موسوعة الخبز4-التميس بالسمن

التميس بالسمن
2 كوب دقيق ابيض
3/4 كوب ماء(ثلاثة ارباع )
ملعقه صغيره خميره فوريه
نص ملعقه باكنج صودا
ثلاث ملاعق كبيره مليانه سمن غير مذوب
ملعقه صغيره ملح

نخلط الدقيق والخميره والباكنج صودا والملح مع بعض
ونضيف ملعقه سمنه ونفركها بالدقيق حتى تختفي

نصب الماء ونعجن ونستمر في العجن جيدا
نضيف السمن ونستمر في العجن حتى تختفي السمنه تماما
نضيف كمية سمن مره ثانيه ونعجن حتى تختفي (حوالي نصف ملعقه سمن في كل مره)
وهكذا حتى تخلص السمنه
تكور وتلف في كيس بلاستك وتوضع في الثلاجه الى اليوم الثاني
وتاخذ وقت حتى ترتاح لايقل عن ست ساعات ولايزيد عن 12 ساعه

وبهذي الطريقه راح يطلعلك عجينة تميس مزبوووووووووطه لانها في الاصل لازم تقعد فتره طويله حتى تشرب السمن وترتاح

يعني تعمليها باليل حتى تخبزيه الصبح على الفطور
او تعجنيها بالصبح حتى تخبزيه عل العشاء

وقبل ما تبدائي لاتنسي تشعلي الفرن من فوق وتحت وتخلي صاج الفرن على الرف العلوي يسخن
هذا العجين بعد مرور 8 ساعات

قسمي العجين لعمل تميسين وممكن بالعجين كلها اذا تحبي ان التميس يكون سميك

نفرد العجين ونمسح عليها بالحيب مسح خفيف نرشها بالسمسم
ونخرمها بالشوكه

نخرج الصاج ونتبه لانه بيكون حار مره
نبل ايدينا بالمويه ونحط يدنا تحت التميس واحنا بنرفعه ونحطه على الصاج
ونرجعه الفرن

انا كنت مشغوله شويه رحت وكلت زوجي يطلعه من الفرن
ولما رجعت مالقيت تميسي وكل اللي لقيته بقايا متناثره منه
كسروه واكلوه حاف وما مداني اصوره وهذا اللي بقي منه

لاحظي التميس البسكوت بالمره هش ومن الاطراف السميكه مايكون معجن
بالعكس ينفصل عن بعض زي كذا